İlk biznesdə uğur qazanan kimi dərhal fərqli sahələrə investisiya etmək, yəni horizontal böyümək istəyirlər. Uğurlu bir restoran sahibi birdən-birə tikinti və ya texnologiya sektoruna keçid edir.

Lakin bu tələskən genişlənmə zamanı sahibkarlar əksər hallarda uğursuzluğa düçar olur və ilk uğurlu bizneslərini də təhlükə altına atırlar. Bunun əsas səbəbləri isə bunlardır:

Səhv biznes ideya seçimi: Mövcud uğurun verdiyi həddindən artıq özünəinamla bazarın real tələbatına uyğun olmayan layihələrə başlamaq.

Yeni sahəni bilməmək: Hər sektorun öz qaydaları, daxili dinamikası və spesifikası var. Tanımadığın sahədə fəaliyyət göstərmək kor-koranə addım atmaq deməkdir.

Rəqabəti düzgün qiymətləndirməmək: Yeni daxil olunan bazardakı mövcud oyunçuların gücünü və strategiyasını analiz etmədən hərəkət etmək.

Kadr potensialının zəif olması: Yeni və fərqli bir biznesi idarə edə biləcək peşəkar komandanın və idarəçilərin olmaması.

Maliyyə çatışmazlığı: Büdcənin və pul axınının (cash-flow) düzgün hesablanmaması, resursların tükənməsi.

Marketinqin zəif olması: Yeni sahədə hədəf kütləyə düzgün mesajlarla çıxa bilməmək və satış kanallarını qura bilməmək.

Əsl inkişaf horizontal yox, vertikal böyüməkdir!

Biznesdə əsas məsələ sadəcə şirkət sayını artırmaq deyil, seçdiyiniz sahədə dərinləşmək – yəni vertikal böyüməkdir.

Mövcud biznesin xidmət keyfiyyətini artırmaq, komandanı gücləndirmək, yeni texnologiyalar tətbiq etmək, öz sahəndə liderliyi qorumaq daha ağıllı və davamlı inkişaf yoludur.

Nəzarətsiz genişlənmə uğurun özü üçün təhlükədir. Bəzən ən doğru biznes qərarı yeni işlər açmaq deyil, mövcud işi daha da mükəmməlləşdirməkdir.

Elxan Mikayılov