Navigator.az

Sabahdan etibarən Gürcüstana daxil olan bütün xarici vətəndaşlar ölkədə qaldıqları müddət ərzində qüvvədə olan tibbi sığortaya malik olmalıdırlar.

Sərnişinlərin nəzərinə: Gürcüstana giriş zamanı icbari tibbi sığorta tələbi tətbiq olunur

FED.az xəbərlər portalının məlumatına görə, Gürcüstan hökumətinin “Gürcüstana gələn turistlərin icbari sağlamlıq və bədbəxt hadisələrdən sığorta qaydaları və şərtlərinin təsdiq edilməsi haqqında” qərarı sabahdan - 1 yanvar 2026-cı il tarixindən qüvvəyə minir.

Bu qayda Gürcüstana turizm, işgüzar və ya tranzit məqsədilə daxil olan bütün xarici vətəndaşlara şamil olunur.

Xarici vətəndaşlar Gürcüstanda olduqları bütün müddət ərzində, tibbi sığorta və bədbəxt hadisələrdən sığorta müqaviləsinə malik olmalıdırlar. Sığorta təminatının minimum məbləği 30 000 gürcü larisi (GEL), yəni təqribən 18 900 manat təşkil etməlidir.

Sığorta Gürcüstanın və ya xarici ölkələrin sığorta şirkətləri tərəfindən təqdim edilə bilər. Sənəd elektron və ya kağız formada təqdim olunmalı, gürcü və ya ingilis dilində tərtib edilməlidir. Gürcüstana gedən Azərbaycan turistləri "gürcü sığortası" məhsulunu yerli sığorta şirkətlərindən ala bilərlər.

Catalogue

Converter

Gürcüstanda turistlər üçün tibbi - SIĞORTA TƏLƏBİ BAŞLADI