Bakıda torpaq sahələri bir ildə neçə faiz bahalaşıb?

"Trend.az" xəbər verir ki, Bakı şəhərində torpaq sahələrinin qiyməti 2026-cı ilin oktyabrında ötən ilin eyni ayı ilə müqayisədə orta hesabla 17,9 faiz artıb.

Bu barədə Azərbaycan Qiymətləndiricilər Cəmiyyətinin (AQC) paytaxtın daşınmaz əmlak bazarı üzrə araşdırmasında bildirilib.

Rayonlar üzrə ən yüksək artım Səbaildə qeydə alınıb – 29,1 faiz. Yasamalda torpaq sahələri 27,1 faiz, Nəsimidə 24,5 faiz, Nizamidə isə 22,3 faiz bahalaşıb.

Xəzər rayonunda qiymət artımı 20,2 faiz, Nərimanovda 19,7 faiz, Xətaidə 16,5 faiz, Binəqədidə 14,9 faiz təşkil edib.

Sabunçuda torpaq sahələrinin qiyməti 12,3 faiz, Suraxanıda 11,2 faiz, Pirallahıda 8,6 faiz, Qaradağda isə 8 faiz yüksəlib.

AQC-nin qiymətləndirməsinə əsasən, qiymət artımının tempi ərazinin xüsusiyyətləri, tələb və təklif, eləcə də alıcı davranışından asılı olaraq fərqlənib.

Catalogue

Converter

Bakıda torpaq sahələri bir ildə neçə faiz bahalaşıb?