РЕСУРСНЫЙ ЦЕНТР ПО ПРАВАМ ЧЕЛОВЕКА ГУБА-ХАЧМАЗСКОГО РЕГИОНА

Подробнее о компании

Quba-Xaçmaz bölgəsi üzrə İnsan Hüquqları Resurs Mərkəzi 1999-cu ilin aprel ayından ABŞ-ın Azərbaycandakı səfirliyinin maddi və mənəvi dəstəyi ilə yaradılıb.Mərkəzin əsas məqsədi bölgədə vətəndaş cəmiyyətinin qurulmasına və demokratik inkişafa yardım göstərməkdir.Resurs mərkəzi vətəndaşların sosial, mədəni, siyasi və sair hüquqlarının qorunması üçün daim mübarizə aparır.Mərkəzin əsas prinsiplərindən biri də, Quba-Xaçmaz bölgəsində fəaliyyət göstərən QHT-lərə texniki yardım göstərmək, onlara mərkəzin mövcud imkanlarından istifadə üçün şərait yaratmaqdır.Bundan əlavə yeni yaranan QHT-lərə qanunvericilik aktlarını izah etmək, digər QHT-lərlə əlaqə yaratmaq, QHT-lərin gördüyü işlər haqqında KİV-ləri məlumatlandırmaq da mərkəzin fəaliyyət prinsiplərinə daxildir. Resurs Mərkəzi fəaliyyət göstərdiyi 15 il ərzində müstəqil QHT-nin, QHT-lərin yerli filiallarının, təşəbbüs qruplarının, müdafiə komitələrinin, ayrı-ayrı şəxslərin müdafiə komitələrinin yaranmasında və onlara texniki və hüquqi yardım proseslərində mühüm rol oynayır.İndi bu təşkilatların böyük əksəriyyəti müstəqil fəaliyyət göstərir.Resurs Mərkəzi bölgədəki bir çox ictimai qurumla əlaqəli işləyir. Mərkəzdə bölgə QHT-lərinin və ziyalıların “Dəyirmi Masa”-sı fəaliyyət göstərir. Ötən 15 il ərzində bir sıra nüfuzlu beynəlxalq qurumların, o cümlədən ölkəmizdəki xarici diplomatik korpusların təmsilçiləri Resurs Mərkəzində əhəmiyyətli görüşlər keçiriblər. Resurs Mərkəzi milli və dini ayrı seçkiliyə, dini-siyasi ekstremizmə qarşı ardıcıl mübarizə aparır. Bunun ücün bölgə QHT-lərinin və ziyalıların fəaliyyəti əlaqələndirir, informasiya mübadiləsi aparır.