MR.BEE

Şirkət haqqında

"Kercom" şirkətimiz ailəvi həvəs və hobbi nəticəsində yaranmışdır. 2020-ci ildə şirkətin fəaliyyətinin 5 illik yubileyini qeyd etdik, 2015-ci ildən etibarən şirkət "Mr. Bee" əmtəə nişanı ilə təqdim edilir. Lakin bal və arıçılıq məhsullarının istehsalı ilə biz 20 ildən artıqdır ki, məşğul oluruq.
Hər şey ailə və qohumlarımızın arı yetişdirməsindən, özləri və öz ehtiyacları üçün bal və arıçılıq məhsullarını istehsal etməsindən başladı. Vaxt ötdükcə bu iş daha da inkişaf etdi və ciddi bir müəssisəyə çevrildi: istehsalat, qablaşdırma və satış . Ailəmiz bu işin öhdəsindən müvəffəqiyyətlə gəldi və müştərilərdən valehanə rəylər almağa başladı.
2015-ci ildə biz proseslə fəal şəkildə məşğul olmağa başladıq. Aşkar etdik ki, Azərbaycanın daxili bazarında bal və arıçılıq məhsullarına tələbat təklifdən dəfələrlə üstündür. Buna səbəb əsasən istehsalçılarla son istehlakçılar arasında əlaqələrin lazımi səviyyədə nizamlanmaması idi. Və biz Azərbaycanın əsas arıçılıq təssərüfatları ilə əməkdaşlığa istiqamətlənərək, fermerləri "Mr. Bee" əmtəə nişanı altında birləşdirmək qərarına gəldik.
Şirkətimizin fəaliyyət prinsipləri arasında təbiilik ən əsas prinsipdir, ona daha çox diqqət yetirir və nəzarəti təmin edirik. Qəbuldan sonra bal və arıçılıq məhsulları orqanoleptik xüsusiyyətlərinə görə yoxlanılaraq bu və ya digər kateqoriyaya aid edilir. Daha sonra bütün məhsul mütləq şəkildə laborator tədqiqat və sertifikatlaşdırmadan keçir. Beləliklə, "Mr. Bee" əmtəə nişanına aid bütün məhsulların yüksək keyfiyyətli olmasını təmin edirik.