Azərbaycanda uzun illər öncə milli sirk sənəti mədəniyyəti formalaşmışdır. Bugün hələ də Azərbaycanda sirklər insanların əyləncə anlayışında xüsusi yer tutur. Azərbaycan sirk mədəniyyəti müxtəlif akrobatika və gimnastika sahələrini, eləcə də başqa idman növlərini, janqlyorluq, havada kəndir üzərində yerimək kimi bir çox xüsusi sahə və bacarığı özündə ehtiva etməkdədir.
Azərbaycanın milli sirk mədəniyyətinin tarixi 1945-ci illərə qədər geri götürülə bilər. O gündən bugünə qədər sirk mədəniyyətini daim inkişaf etdirən və paytaxt sakinlərinin səmərəli vaxt keçirməsinə şərait yaradan sirklər bugün hələ də öz aktuallığını qoruyur.