BADAMLI NAXCHIVAN

Şirkət haqqında

“Gəmiqaya Holdinq Şirkətlər İttifaqının Naxçıvan Mərkəzi” beynəlxalq və milli standartlara cavab verən, tərkibində insan orqanizmi üçün faydalı olan minerallar olan “Badamlı” adlı içkilər təqdim edir. İstifadə etdiyimiz su Şahbuz rayonunun Badamlı qəsəbəsindən dəniz səviyyəsindən 1274 metr yüksəklikdən çıxan yeraltı sudur. Mineral su dağlardan qida təhlükəsizliyinə sahib polietilen borularla 30 km-lik məsafədən istehsal zavodumuza gəlir. Zavodda məhsulun keyfiyyətinə ciddi nəzarət olunur. Burada Almaniya istehsalı olan müasir avadanlıqlarla təmin edilmiş xüsusi laboratoriya qurulmuşdur. Badamlı-da bütün istehsal prosesi İSO keyfiyyəti idarəetmə sistemi və qida təhlükəsizliyinin tələblərinə tam uyğun şəkildə təşkil edildiyi üçün müəssisə beynəlxalq standartlara cavab verən İSO-22000:2005 və İSO-9001:2008 sertifikatlarına uyğunluğu təsdiq olunaraq sertifikatlaşdırılmışdır. Laboratoriyada su kimyəvi və mikrobiolojik analizlərə tabe tutulur. Keyfiyyət göstəricilərinin standartlara uyğunluğunu təsdiqlədikdən sonra su, şüşələmə prosesinə buraxılır. Labüd olan zaman su ozonlaşdırma və deionizasiyadan keçirilir. Şüşələmə prosesi avtomatlaşdırılmış avadanlıqlarla, əsla insan əli müdaxiləsi olmadan həyata keçirilir və gigiyenik şüşələrdən istifadə olunur.