ABŞ-ın ən böyük maliyyə təşkilatı qızılın 2026-cı ildə 23–27 faiz bahalşacağını gözləyir.

ABŞ-ın ən böyük maliyyə institutlarından biri olan Wells Fargo qızılın qiymətilə bağlı proqnozunu əhəmiyyətli dərəcədə artırıb.

Marja xəbər verir ki, Bank 2026-cı ilin sonunda qızılın unsiyasının qiymətinin 6 min 100 – 6 min 300 dollar aralığında olacağını gözləyir. 

"Wells Fargo"nun investisiya bölməsi olan "Wells Fargo Investment Institute" daha əvvəl 2026-cı ilin sonu üçün 4 min 500 – 4 min 700 dollar aralığında proqnoz vermişdi. Yeni proqnoz əvvəlki gözləntilərlə müqayisədə təxminən 1600 dollar artım deməkdir. Faiz ifadəsində bu düzəliş təxminən 35 faiz yüksəlişə bərabərdir.

Hazırda qızılın unsiyasının qiymətinin təxminən 5000 dollar səviyyəsində olduğu nəzərə alınarsa, bankın yeni proqnozu qiymətli metal üçün əlavə olaraq 23–27 faiz bahalşama potensialına işarə edir. Bu qiymət yenilənməsi bazarlarda optimist gözləntilərin daha da güclənməsinə səbəb olub.

Yeri düşmüşkən, tanınmış investor Rey Dalio Dubayda keçirilən World Governments Summit tədbirində çıxışı zamanı qızıl bazarında son qiymət geri çəkilmələrinin ciddi qəbul etmədiyini bildirib. Dalionun sözlərinə görə, qlobal qeyri-müəyyənlik artdıqca qızılın güclü nəticə göstərməsi üçün “mükəmməl ssenariyə” ehtiyac yoxdur.