Sentyabırın 13 –də “Networking Azerbaijan” biznes klubunun və  "Ləzzət Group" - n birqə təşkil  etdiyi tədbir baş tutub . Ənənələrinə sadiq qalaraq,  “Networking Azerbaijan”  hər ay tədbirlər keçirməyə və ölkənin işgüzar cəmiyyətini bir araya yığmağa nail oldu. Bu dəfə tədbir şəhərin mərkəzində yerləşən  Beynəlxalq Muğam Mərkəzində keçirilib. Tədbirdə müxtəlif sahələrdə fəaliyyət göstərən sahibkarlar iştirak edib. Hər zaman olduğu kimi, tədbirin əsas məqsədi sahibkarlar arasında işgüzar əlaqələrin qurulması və genişləndirilməsindən ibarət olub. 
Sahibkarlar, bir ay fasilədən sonar  nəhayət ki, bir yerə toplaşıb və dünyanın işgüzar aləmindəki son tendensiyaları canlı müzakirə etməyə, fikir və təcrübələrini bölüşməyə müvəffəq olmuşlar. 200 nəfərin iştirak etdiyi gecədə biznes klubunun təsisçisi , Baku Translation şirkətinin təsisçisi Orxan Hacıyev qonaqları giriş sözü ilə salamlayıb və tədbir boyu aktiv olmağa çağırmışdır. Gecənin fəxri qonağı və spikeri Ləzzət Group -un  direktoru Eldar Cabbarlı, şəhidlərimizin ruhunu 1 dəqiqəlik sükütla anılmasını xahiş etdi  və sonra  şirkətin fəaliyyətindən və uğurlarından danışdı. Həmçinin tədbirdə Azərbaycan sahibkarlar konfederasiyasının vitse prezidenti Vüqar Zeynalov  və Yasamal rayonunun icra hakimiyətinin  müavini Təravət Muradova iştirak ediblər.

 İştirakçılar bir-biri ilə sərbəst ünsiyyət qura və tədbirin yaratdığı imkanlardan faydalana bilmişlər. Qonaqlar arasında müxtəlif yarışmalar keçirilib, sonda isə ən fəal qonaqlara Ləzzət Group şirkəti tərəfindən hədiyyələr  təqdim edildi. Həmçinin tədbirin sonunda gecənin  bütün iştirakçılarına Ləzzət Group tərəfindən hədiyyələr təqdim olundu.

 “Networking Azerbaijan” biznes klubunun bütün tədbirlərində olduğu kimi, bu gecə də rahat ab-havada  keçərək, iştirakçılarının yüksək əhval-ruhiyyəsini təmin edib.