Sertifikatlaşdırma və Standartlaşdırma

Sertifikatlaşdırma və standartlaşdırma iqtisadiyyat üçün kifayət qədər önəmli proseslərdən hesab olunur. Sertifikatlaşdırma prosesində  keyfiyyət sertifikatı malların müqavilə şərtlərində nəzərdə tutulmuş keyfiyyət göstəricilərinə, insan həyatı və sağlamlığı üçün təhlükəsizlik tələblərinə, texniki xüsusiyyətlərə, ekoloji tələblərə uyğunluğunu təsdiq edən göndərmə sənədidir. Sertifikat ixracatçı və ya istehsalçı tərəfindən verilir. Keyfiyyət sertifikatı bir neçə nüsxədə tərtib edilməlidir. Malların idxalı,ixracı və istehsalı zamanı keyfiyyət sertifikatı gömrük və digər qurumlar üçün arayış sənədi kimi istifadə olunur, idxal olunan malların kəmiyyət və keyfiyyət xüsusiyyətləri haqqında məlumat verir. Standartlaşdırma prosesi isə məhsullar üçün vahid normanın tətbiqi üçün əhəmiyyətlidir. Beləliklə, standartlaşdırma prosesinin əsas məqsədi mövcud olan, planlaşdırılan məsələlərin həlli üçün təsbit olunmuş qaydaların, tələb və normaların istifadə olunması nəticəsində bu və ya digər sahədə qaydaya salınmanın optimal dərəcəsini əldə etməkdən ibarətdir. Ölkəmizdə sertifikatlaşdırma və standartlaşdırma prosesi ilə məşğul olan müəssisələrin ünvanları və əlaqə vasitələri səhifəmizdə qeyd olunub.Ətraflı məlumat üçün siyahıya nəzər yetirin.