İqtisadiyyat.az xəbər verir ki, Bakı vaxtı ilə saat 17:05-ə olan məlumata görə, COMEX birjasında avqust ayı üzrə qızıl fyuçerslərinin qiyməti 3,7% azalaraq bir unsiya üçün 3 994,1 dollara düşüb.
Digər qiymətli metallar da ucuzlaşıb. Belə ki, gümüşün qiyməti 5,3% azalaraq 58,78 dollara, platin isə 4,6% ucuzlaşaraq 1 586 dollara enib.
ABŞ dollarının avro, İsveçrə frankı, yapon yeni, Kanada dolları, funt sterlinq və İsveç kronuna qarşı dinamikasını əks etdirən DXY indeksi təxminən 0,4% artaraq ötən ilin may ayından bəri ən yüksək səviyyəsinə çatıb.
Mütəxəssislərin fikrincə, dolların güclənməsi qiymətli metallar üçün mənfi amildir. Çünki bu, digər valyutaların sahibləri üçün qızıl və digər metalların investisiya cəlbediciliyini azaldır.
Dolların bahalaşmasına ABŞ Federal Ehtiyat Sisteminin (FED) pul-kredit siyasətini daha da sərtləşdirəcəyi ilə bağlı gözləntilər təsir göstərir.
"CME FedWatch" məlumatlarına əsasən, treyderlər sentyabr ayında uçot dərəcəsinin ən azı 25 baza bəndi artırılması ehtimalını təxminən 70% qiymətləndirirlər. Bir həftə əvvəl bu göstərici 29% səviyyəsində idi.
