2025-ci ilin yekunlarına əsasən, turizm məqsədilə Azərbaycana səfər etmiş əcnəbilərin ölkəmizdə çəkdikləri xərclərin həcmi açıqlanıb.

FED.az biznes və maliyyə xəbərləri portalı Dövlət Statistika Komitəsinə istinadən xəbər verir ki, hesabat dövründə xarici qonaqların ümumi xərcləri 3 milyard 258 milyon 77 min manat təşkil edib.

Renkinqə Rusiya Federasiyası başçılıq edir. Bu ölkədən gələn turistlər Azərbaycanda 860 milyon 669 min manat vəsait xərcləyiblər.

İkinci yerdə Türkiyə qərarlaşıb – qardaş ölkənin vətəndaşlarının xərcləri 351 milyon 701 min manat olub.

Hindistan 331 milyon 738 min manat göstərici ilə üçüncü sırada yer alıb. Səudiyyə Ərəbistanından gələn qonaqlar isə 207 milyon 724 min manat xərcləyərək dördüncü olublar.

Digər ölkələr üzrə göstəricilər aşağıdakı kimidir:

Qazaxıstan turistlərinin xərcləri 144 milyon 61 min manat təşkil edib. "Digər ölkələr" kateqoriyası üzrə xərclər 142 milyon 116 min manat olub.

Pakistandan gələn turistlər ölkəmizdə 130 milyon 357 min manat, İsrail vətəndaşları isə 115 milyon 670 min manat xərcləyiblər.

Siyahının digər pillələrini Çin (98 milyon 806 min manat) və Birləşmiş Ərəb Əmirlikləri (89 milyon 995 min manat) tamamlayır.

Hesabat dövründə bəzi ölkələrdən gələn qonaqların xərcləmələri digərlərinə nisbətən az olub.

Siyahının bu hissəsində Avstriya 5 milyon 457 min manat göstərici ilə yer alıb.

Moldovadan gələn turistlərin xərcləri 5 milyon 234 min manat təşkil edib. Yəmən 5 milyon 75 min manat göstərici ilə növbəti sırada qərarlaşıb.

Litva vətəndaşları 4 milyon 429 min manat, İsveçdən gələn qonaqlar isə 4 milyon 348 min manat xərcləyiblər.

İsveçrə üzrə göstərici 4 milyon 121 min manat, Latviya üzrə isə 4 milyon 41 min manat olub. Bolqarıstan turistləri ölkəmizdə 3 milyon 780 min manat xərcləyiblər.

Siyahının son pillələrini Norveç (2 milyon 591 min manat) və ən aşağı göstərici ilə Suriya (576 min manat) tamamlayır.