IB CLUB

Şirkət haqqında

İnkişaf etməyi, sosiallaşmağı və uğur qazanmağı hədəfləyən hər bir şəxsi “Əylən! Öyrən! Yaşa!” sloqanı ilə mərkəzimizə dəvət edirik. İllərin təcrübəsinə əsaslanaraq gəncliyə bir çox təkliflər edirik!

Dəyərli gənclər! Siz IB Cluba qoşulmaqla bunları əldə edəcəksiniz:

1. Danışıq klublarında iştirak edə bilərsiniz.

Günümüzdə gənclərin uğurlu karyeraya sahib ola bilməyi üçün əsas üstünlük verdiyi sahə dil öyrənməkdir. Bu səbəbdən, IB Club gənclərin inkişafı üçün dil biliklərini təkmilləşdirmək imkanı yaradıb. Xarici dillərin, o cümlədən ingilis, rus və alman dillərinin mükəmməl öyrənilməsinə fokuslanan IB Club üzvlər üçün mütəmadi olaraq ödənişsiz danışıq klubları təşkil edir.

2. Seminarlarda iştirak edə bilərsiniz.

IB Club həftəlik olaraq, müxtəlif sahələr üzrə uğurlu, peşəkar mütəxəssislərlə gənclərin görüşünü təşkil edir. Gənclər həmin şəxslərdən inkişaf, karyera, biznes, marketinq və digər sahələri əhatə edən seminarları dinləyirlər. Gənclər seminarlar vasitəsilə onları maraqlandıran suallara mütəxəssis rəyini öyrənmək imkanı əldə edir. Hər həftə keçirilən seminarlar IB Club üzvləri üçün ödənişsiz olaraq keçirilir.

3. Təcrübə əldə edə biləcəksiniz.

IB Club-un yaratdığı bu imkana əsasən, üzvlər mərkəzin əməkdaşlıq etdiyi şirkətlərin təcrübə proqramında iştirak edir və praktikadan keçirlər. Bu məqam gənclərin karyeralarında müstəsna rol oynayır. IB Club ildə 6 dəfə vakansiya elan edir və “IB Club Team” yaradır. Həmin komanda 2 ay müddətində fəaliyyət göstərərək idarəetmə, menecerlik və digər sahələr üzrə təcrübə qazanırlar. Aktiv və uğurlu gənclər sonrakı mərhələdə əsas komandada fəaliyyət göstərə bilirlər. Hazırda IB Club-un əməkdaşları da bu praktikadan uğurla keçmiş gənclərdən təşkil olunub.

4. IB Club kitabxanasından istifadə edə bilərsiniz.

Mərkəz gələcəyi düşünərək gənclərin maarifləndirilməsi üçün hər kəsə faydalı ola biləcək kitabxana formalaşdırıb. Kitabxana günü-gündən yenilənir. 4 dildə: azərbaycan, türk, ingilis və rus dillərində iqtisadi, bədii, dil səviyyəsinin və şəxsi keyfiyyətlərin inkişafı ilə bağlı kitabxanada kitablar yer alır. Üzvlər 15 gün müddətində istədikləri kitabı götürüb oxuya bilərlər. Bununla gənclərimiz oxuduqları kitabları bir-biri ilə paylaşaraq kitab oxuma mədəniyyətini inkişaf etdirirlər.

5. Əyləncə tədbirlərində iştirak edəcəksiniz.

Üzvlər arasında intellektual biliyin inkişafına yönəldilən oyunların təşkil edilməsində əsas məqsəd auditoriya qarşısında çıxış etmək bacarığının formalaşdırılması, kritik düşünə bilmək bacarığının üzə çıxarılması, komanda şəklində işləmək və s. xüsusiyyətlərinin inkişafına dəstək olmaqdır. Müxtəlif dillərdə nümyiş etdirilən filmlər xarici dillərin daha yaxşı mənimsənilməsinə şərait yaradır. Mərkəz hər zaman gənclərin əylənərək öyrəndiyi gəzintilər təşkil edir. Kampların partilərin təşkili üzvlərin birlikdə vaxt keçirməsinə, mehriban, səmimi mühitin yaranmasına yönəlib.

"IB Club" Azərbaycanda fəaliyyətə başlayan ilk və ən böyük gənclərin inkişaf mərkəzidir. "IB Club" gənclərin inkişaf mərkəzi 6 mart 2010-cu ildə fəaliyyətə başlamışdır. 12 il ərzində 25 mindən çox üzvü özündə birləşdirən Mərkəz "Öyrən, əylən və yaşa!" devizi altında fəaliyyətini uğurla davam etdirir.

Dəyərli gənc, 12 il ərzində 25 mindən çox üzvü özündə birləşdirən mərkəzin üzvü olmağa tələs! Unutma ki, inkişafın tam zamanıdır. Əsla dayanma!

IB Club Gənclərin İnkişaf Mərkəzi ilə "Öyrən! Əylən! Yaşa!".