MOONWAY TRANSPORT

Şirkət haqqında

MoonWay Transport 2020-ci ilin iyul ayında təsis olunmuşdur. Şirkət, yeni yarandığına baxmayaraq ilk aylardan başlayaraq genişhəcmli layihələrdə iştirak etməklə logistika sahəsində öz sözünü demişdir. MoonWay olaraq 2 il ərzində 200-ə yaxın layihə həyata keçirmişik. Sadəcə iki il qədər qısa müddətdə qazanılan bu uğurlarımız, xidmətimizin keyfiyyəti sayəsində əldə etdiyimiz güvənin göstəricisi və gələcək partnyorlarımız üçün etibarımızın sübutudur. 
MoonWay Transport beynəlxalq yüklərin dəmir yolu, avtomobil yolu və dəniz yolu vasitəsiylə konteynerlerin və digər yüklərin Azərbaycana yaxud da xarici ölkələrə daşınmasını təşkil edir. Şirkətimiz Avropa, MDB, Baltikyanı, Balkan və Mərkəzi Asiya ölkələri üzrə yüklərin daşınmasında ən etibarlı və təhlükəsiz daşınma marşrutunu tərtib edir. Dünyanın istənilən nöqtəsində güclü partnyorlarımız olduğundan yerli logistika şirkətlərinə də xidmət göstərməkdəyik.
Sizi düşünərək təklif etdiyimiz qiymətləri dəyişməz olaraq saxlayırıq. Kasko sığortadan istifadə etdiyimiz üçün, yüklərinizin təhlükəsizliyi də tamamilə təmin olunur. Beləliklə büdcənizə uyğun və güvənli logistika xidməti MoonWay-də sizi gözləyir!