“InvestAZ”dan dünya maliyyə bazarları ilə bağlı həftəlik analiz

05.12.2022
843

Birjalar FED-in yumşaq monetar siyasətin ehtimallarını qiymətləndirir

"InvestAZ İnvestisiya Şirkəti" QSC-nin analitikləri bu həftə üzrə dünya maliyyə bazarlarında son vəziyyət və qısa müddətdə gözlənilənlərlə bağlı məlumat verib.

EUR

Ötən həftə Avrozonada inflyasiyanın 10.6%-dən 10%-ə qədər azalması, ABŞ-da iqtisadiyyatın 2.9% böyüməsi, eləcə də NFP-nin proqnozları üstələyərək daha çox artmasına baxmayaraq, FED-sədri Jerom Pavelin monetar siyasətin gələcəyi, xüsusilə də faiz artımlarının sürətinin azaldılacağı ilə bağlı səsləndirdiyi fikirlər dollar indeksi üzərində təzyiqlərin daha da artmasına səbəb oldu. Nəticədə EURUSD məzənnəsi 1.05$-ın, GBPUSD məzənnəsi isə 1.22$-ın üzərinə yüksəldi.

Bazar iştirakçılarının FED-in dekabr toplantısında uçot dərəcələrini 0.75% artıracağı proqnozlarını qiymətləndirməsi fonunda dollar indeksi 104 bənd hədlərinə qədər geriləyib. Təhlillərə əsasən dollar indeksi 105 bənd həddinin altında qaldıqca eniş tendensiyasını davam etdirə bilər. Bu halda EURUSD və GBPUSD cütlüklərində artım tendensiyası daha da güclənə bilər.

Bu həftə Avrozonada açıqlanacaq ÜDM göstəriciləri, Amerikada dərc olunacaq İstehsal Qiymətləri İndeksi, həmçinin Almaniya, Avrozona və Amerikada açıqlanacaq Biznes Aktivliyi İndeksi kimi önəmli statikstik rəqəmlər İnvestorların diqqət mərkəzində olacaq.

GBP

Bu həftə İngiltərədə açıqlanacaq xitmət və tikinti sektorlarında biznes aktivliyi indeksi göstəriciləri investorların diqqət mərkəzində olacaq. GBPUSD cütlüyündə qiymətlər 1.2300 müqavimətini qırsa, funt-sterling dollar qarşısında 1.25$-a kimi bahalaşa bilər.

TRY

Cari ticarət həftəsinin ilk günü Türkiyədə açıqlanacaq inflyasiya göstəriciləri USDTRY cütlüyündə tendensiyanın gedisində həlledici rol oynaya bilər. Əgər Türkiyədə inflyasiya proqnozlaşdırıldığı kimi azalarsa, USDTRY məzənnəsində son 2 aydır müşahidə olunan üfüqi tendensiya dəyişə bilər.

GOLD

Dollar indeksinin ucuzlaşması fonunda qızıla tələb getdikcə artır. Ötən həftə 1804$-a kimi bahalaşan qızıl həftəni 1798$-da tamamladı. Dollar üzərində təzyiqlər artmaqda davam edərsə və 1806$ həddindəki müqavimət səviyyəsi qırılarsa, qiymətli metalın bir unsiya üzrə dəyəri 1845$-a kimi bahalaşa bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti”nin

Analitika Departamenti

“İnvest-AZ İnvestisiya Şirkəti”nin fəaliyyətini Azərbaycan Mərkəzi Bankı tənzimləyir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

05.12.2022
843
exhibition-standexhibition-stand-in-bakuexhibition-stand-designexhibition-stand-design-in-bakuexhibition-boothexhibition-booth-in-bakuexhibition-booth-in-azerbaijanstand-builderstand-builder-in-bakustand-builder-in-azerbaijanstand-contractorstand-contractor-in-bakustand-contractor-in-azerbaijanstand-fabricatorstand-fabricator-in-bakustand-fabricator-in-azerbaijanstand-fabricator-in-azerbaijanexhibit-builderexhibit-builder-in-bakuexhibit-builder-in-azerbaijanexhibit-contractorexhibit-contractor-in-bakuexhibit-contractor-in-azerbaijanexhibit-fabricatorexhibit-fabricator-in-bakuexhibit-fabricator-in-azerbaijanexhibit-houseexhibit-house-in-bakuexhibit-house-in-azerbaijanfair-in-bakufair-in-azerbaijanexhibition-stands-2022exhibition-stands-2022-in-bakuexhibition-stands-2022-in-azerbaijanexhibition-stand-design-exhibition-stand-priceexhibition-stand-price-in-bakuexhibition-stand-price-in-azerbaijanexhibition-booth-standexhibition-booth-stand-in-bakuexhibition-booth-stand-in-azerbaijan