SI LUXURY TRAVEL

Şirkət haqqında

Bakıda təsis edilən Azərbaycanın “SI Luxury Travel” şirkəti peşəkar səyahət konstruktorları komandasını yaradıb. Fəaliyyəti dövründə onlar fərdi səfərlərin təşkilində əsl peşəkarlara çevrilmişlər: təyyarələrdən tutmuş, sizi istədiyiniz və seçdiyiniz yerdə gözləyən, tam təchiz olunmuş dəbdəbəli yaxtaların icarəsinə qədər.

“Bizim çoxlu ailəvi müştərilərimiz var ki, onlar hələ 1995-ci ildən bu günə qədər xəyal etdikləri məzuniyyətlərinin təşkilini bizə etibar edirlər. İndi həmin müştərilərimizin övladları da bu ənənəni davam etdirir. Onlar səyahətdə “SI Luxury Travel“ə üstünlük verir.

Ailəvi istirahətin təşkili üzrə ixtisaslaşan bir turism şirkəti olaraq “SI Luxury Travel” müştərilərin səyahət öncəsi həyəcan keçirməsini, səfərlə bağlı  ideyalarını , arzularını, planlarını, müəyyənləşdirilən marşrutları nəzərə almaqla onlara yüksək dərəcəli xidmət göstərməyə çalışır. Səyahətin hər bir anı xoş xatirəyə çevrilməlidir.

Səyahət insanlara yeni hisslər bəxş edir. İntizarla gözlədiyiniz səfərdə görə biləcəyiniz gözəl yerləri, rastlaşacağınız gözəllikləri xəyalınızda canlandırarkən qəlbiniz çırpınmağa başlayır. Biz səyahətdən alacağınız təəssüratların sizin ən böyük ümidlərinizi üstələməsi naminə çalışırıq.

Müştərilərimizin səyahətdən razı qalması bizim müvəffəqiyyətimizin rəhnidir. Biz hər bir səyahətin təşkil edilməsinə var qüvvəmizlə çalışır, gördüyümüz işə sədaqətlə yanaşırıq. İş prinsipimiz  səfərin hər birinin ən xırda detallara qədər düşünüb təşkil edilməsinə əsaslanır.

Səyahətdən qayıdıb təəssüratlarını bizimlə bölüşən müştərilərimiz bizi də həmin hissləri yaşamağa vadar edir. Gördüyümüz iş barədə həm pozitiv, həm də neqativ fikirləri eşitməyə hazırıq. Xoşbəxtlikdən, daha çox pozitiv rəy alırıq. Lakin xidmətin keyfiyyətini daha da yaxşılaşdırmaq üçün biz neqativ məqamları da nəzərə alaraq məsələni xırdalıqlarına qədər öyrənir,  gələcəkdə xöşagəlməz halların baş verməməsinə çalışırıq.

Seçilmiş müştərilərimizə müstəsna xidmət göstərmək üçün biz əlimizdən gələni edirik. Məqsədimiz sadəcə şirkəti genişləndirmək deyil, həm də inkişaf etmək, müştərilərimizi yeni-yeni səyahətlərə ruhlandırıb  yalnız pozitiv təəssüratla qayıtmaqlarına nail olmaqdır. Biz ənənələri yaşatmaqla , bütün yenilikləri diqqətlə izləməklə müştərilərimizi ən yaxşı təkliflərlə sevindirməyə çalışırıq. Bu gün və hər zaman.