CASPIAN INNOVATION CENTER

Şirkət haqqında

Caspian Innovation Center şirkəti 2017-ci ildə Azərbaycanın qlobal brendi olan SOCAR və dünyanın nəhəng İT şirkətlərindən biri olan IBM tərəfindən əsası qoyulmuş birgə müəssisədir. Şirkətin yaradılmasında məqsəd ölkəmizdə və ölkədən kənar regionlarda dünyada gedən rəqəmsal transformasiya prosesini uğurla həyata keçirərək iqtisadiyyatımızın inkişafına töhfə verməkdir. İnnovativ həll yolları vasitəsilə rəqəmsal transformasiya prosesini şirkətlərdə sürətləndirmək və onların dünya bazarında müasir tələblərə cavab verən və rəqabətə davamlı şəkildə fəaliyyət göstərməsini təmin etmək əsas vəzifələrimizdəndir. Şirkətimizin əsas fəaliyyət istiqamətləri biznesin transformasiyası sahəsində yol xəritələrini təyin edərək müxtəlif növ proqram təminatlarının tətbiq olunması, mövcud və yeni tətbiq olunmuş proqram təminatlarına texniki dəstəyin göstərilməsi, Biznes Resursların Planlaşdırılması platformalarının SAP üzərində qurulması, elektron sənəd dövriyyəsinin tətbiqi, İT infrastrukturlarının qurulması və dəstək xidmətinin göstərilməsi kimi əsas istiqamətlərdən ibarətdir. Bu sahədə şirkətimiz artıq dünyanın aparıcı məsləhətçi şirkətləri və sənaye nəhəngləri ilə birgə əməkdaşlıq edərək bir neçə layihələr reallaşdırmışdır. Hər gün inkişaf edən dünyamızda texnologiyaları müntəzəm şəkildə izləyərək, müştərilərimizi gördüyümüz keyfiyyətli işlərlə sevindirmək, istəklərini qısa zamanda həyata keçirmək və daima böyümələrinə dəstək vermək əsas hədəflərimizdəndir!